Најмалку 150 танкери, вклучувајќи ги и оние што превезуваат сурова нафта и течен природен гас (LNG), се закотвени во отворените води на Персискиот Залив над Ормутскиот Теснец, а десетици други се стационирани од другата страна на тесниот морски премин, покажаа податоците за превозот во неделата, откако американските и израелските напади врз Иран го втурнаа регионот во немири и неизвесност.
Iran reportedly struck the oil tanker “Skylight” near Strait of Hormuz escalating tensions around one of the world’s most critical shipping corridors.
Maersk (world’s largest shipping company) is now suspending all shipments through the strait which is a major escalation for… pic.twitter.com/RZiyN2bZUK
— Shay Boloor (@StockSavvyShay) March 1, 2026
Танкерите се групирани во отворените води покрај бреговите на големите производители на нафта во Заливот, вклучувајќи ги Ирак и Саудиска Арабија, како и гигантот за течен природен гас Катар, процени Ројтерс врз основа на податоците за следење на бродовите од платформата MarineTraffic.
Голем број бродови се закотвени во рамките на ексклузивните економски зони (EEZ) на клучните држави од Заливот, вклучувајќи ги Кувајт и Обединетите Арапски Емирати, соопшти MarineTraffic, додека десетици товарни бродови се групирани одделно и закотвени во различни EZ.
Околу 20 проценти од глобалната нафта, вклучително и од производителите Саудиска Арабија, Обединетите Арапски Емирати, Ирак, Кувајт и Иран, поминува низ Хормуз, заедно со големи количини на LNG од Катар.
Покрај тоа, најмалку сто танкери моментално се закотвени надвор од теснецот покрај бреговите и сидриштата на Обединетите Арапски Емирати и Оман, заедно со десетици товарни бродови, според „MarineTraffic“.
По израелско-американскиот напад, неколку сопственици на танкери, нафтени компании и трговски куќи ги прекинаа испораките на сурова нафта, гориво и течен природен гас (LNG) преку Ормутскиот теснец, а Техеран објави дека го затворил за бродови, соопштија трговски извори во саботата.