Иран наплаќа „такса од 2 милиони долари“ од некои бродови за премин низ Ормутскиот теснец, изјави денес на државната телевизија иранскиот претставник Алаедин Боруџерди.
Според него, во теснецот се воспоставува нов режим на управување бидејќи „војната има своја цена“, што, додаде тој, го покажува „авторитетот и правото на Исламската Република Иран“.
Иранскиот претставник Али Мусави појасни дека Ормутскиот теснец останува отворен за целиот поморски сообраќај, освен за бродови поврзани со „ирански непријатели“.
Тој додаде дека преминот низ тој тесен воден пат е можен со координација на безбедносните аранжмани со Техеран.
„Дипломатијата останува приоритет на Иран. Сепак, целосното прекинување на агресијата и меѓусебната доверба се поважни“, рече Мусави.
Тој додаде дека израелските и американските напади врз Иран „се во коренот на моменталната ситуација во Ормутскиот теснец“.