Украинскиот претседател Володимир Зеленски имаше кратка размена со дописникот на руските државни медиуми „Вести“ за време на Генералното собрание на ОН во Њујорк.
Додека Зеленски минуваше со својата делегација покрај новинарите, дописникот Валентин Богданов неколкупати го праша кога планира да отпатува во Москва.
While entering the UN headquarters in New York, Ukrainian President Zelensky was approached by journalists from the Russian VESTI state-owned media outlet and asked when is he planning to visit Moscow.
After walking away a few steps, Zelensky covered his mouth with his hand and muttered, although still pretty audibly: "on a missile, for f*ck sake."
— Status-6 (War & Military News) (@Archer83Able) September 23, 2026
Зеленски првично не реагираше и продолжил да се движи, а потоа со раката ја покри устата и на руски му одговорил: „На ракета, е*ате“.
Снимката од кратката размена брзо се прошири на социјалните мрежи и во медиумите.
Размената се случила во период кога повторно се разговара за можноста за директни преговори меѓу Киев и Москва. Зеленски на маргините на Генералното собрание на ОН се сретна и со американскиот претседател Доналд Трамп.
Според кабинетот на Зеленски, двајцата разговарале за можни чекори за деескалација и прекин на нападите врз енергетската инфраструктура.
Зеленски изјавил дека Украина е подготвена да престане со нападите врз руската енергетска и извозна инфраструктура доколку Москва го направи истото.
На средбата било разговарано и за зајакнување на украинската противвоздушна одбрана пред зимата. Киев бара дополнителни американски системи „Патриот“ и ракети-пресретнувачи, како и можност за нивно производство во Украина.