Полицијата во Порторико привела жена која предизвикала масовна тепачка во авион на аеродромот во Сан Хуан, затоа што одбила да носи заштитна маска според прописите.
Еден од патниците го снимил инцидентот со мобилен телефон, а на видеото се гледа како жената вреска кон маж во бела маица. Тој претходно ја предупредил да ја стави правилно заштитната маска, која жената ја носела под брадата.
Во масовната тепачка што избива како резултат на првичната расправија, персоналот на авионот и повеќе други патници се обидуваат, прилично безуспешно, да ја смират ситуацијата.
Caught on Camera: A fight over whether or not to wear a mask onboard a Spirit Airlines plane that had just arrived in Puerto Rico led to a woman – who police say was the aggressor – being tased by police who are considering filing charges.
pic.twitter.com/2iJeNl12Pn— David Begnaud (@DavidBegnaud) October 27, 2020
Во дел од коментарите на постот на Твитер во кој е објавено видеото, се објаснува дека жената била физички напдната и малтретирана пред таа да удри некого.
Екипажот на авионот на нискобуџетната компанија „Спирит“ ја повикал полицијата, која ја привела бунтовната жена, а локалните медиуми пишуваат дека таа ја поминала ноќта во затвор.