Американската војска уништи 17 ирански бродови, вклучувајќи и подморница, како дел од воената кампања против Иран во која учествуваат десетици илјади војници, изјави во видео порака адмиралот Бред Купер, командант на американските сили на Блискиот Исток.
Update from CENTCOM Commander on Operation Epic Fury: pic.twitter.com/epEohq64Vf
— U.S. Central Command (@CENTCOM) March 3, 2026
„Едноставно кажано, ние сме фокусирани на сè што може да нè погоди“, рече адмиралот Купер во порака објавена на социјалната мрежа X, опишувајќи ги „несомнено хируршки прецизните напади“ од бомбардерите Б-2 и Б-1.
„Исто така, ја потопуваме иранската морнарица – целата морнарица“, додаде тој.
„Досега уништивме 17 ирански бродови, вклучувајќи ја и најоперативната иранска подморница, која сега има дупка на страната. Иранскиот режим со децении го нарушува меѓународниот поморски сообраќај. Денес, нема ниту еден ирански брод во Арапскиот Залив, Ормутскиот Проток и Оманскиот Залив“, рече Купер.
„И нема да застанеме“, нагласи тој.