Автомобил влета во група луѓе во Њу Орлеанс. Неколку лица се повредени, а според првичните информации има и мртви.
Инцидентот се случил на улицата Бурбон за време на новогодишната прослава околу 03:15 часот по локално време. Тоа е улица позната по бројните барови и клубови. според првичните процени има 10 мртви и триесетина повредени.
Се уште нема информации за мотивите на нападот.
Очевидци изјавиле за новинарот на CBS News дека автомобилот со голема брзина влетал во толпа луѓе, а потоа возачот излегол и почнал да пука од оружје, а полицијата возвратила.
Улицата е затворена, а сите служби се на терен. Од полицијата засега не соопштуваат ништо за мотивот, ниту дали се работи за тероризам. Не е познато дали возачот е уапсен.