Кремљ објави снимки од зад сцената од средбата на Владимир Путин и американскиот претседател Доналд Трамп во Алјаска, и јасно е дека рускиот претседател е задоволен од исходот од самитот.
За Путин, резултатот од средбата не беше во постигнатите договори – бидејќи немаше такви – туку во начинот на кој беше пречекан во САД. Топлиот прием на Трамп му даде можност да покаже дека повторно е почитуван на светската сцена, според Би-Би-Си.
Behind the scenes look at Trump and Putin in Alaska pic.twitter.com/uvIjRH4FZq
— ZoieZoe (@zoiezoe__) August 16, 2025
Путин беше изолиран во последните години, при што многу западни лидери веќе дури и не разговараа со него, а патувањето во повеќето земји беше блокирано поради потерница издадена од Меѓународниот кривичен суд. Но, вчера тој беше пречекан на американска почва со црвен тепих, додека американски борци го придружуваа – не за да го спречат или уапсат, туку како почесна придружба.
Снимката го прикажува и американскиот државен секретар Марко Рубио, кој до неодамна имаше проукраински став, како се ракува со Путин по иницијатива на Трамп. На други снимки, Трамп и Путин разговараат лежерно и пријателски зад сцената на самитот.
‼️🇺🇲🇷🇺 is this INTENTIONAL?
Marco Rubio entered the room as if he didn't notice Putin, but after Trump's instruction, he shook hands with him and his delegation.#Trump #TrumpPutin #AlaskaMeeting
pic.twitter.com/637cVn3SmK— U R B A N S E C R E T S 🤫 (@stiwari1510) August 16, 2025
Кремљ ја користи снимката за да го нагласи пресвртот во американскиот став кон Путин, што е особено важно за Москва бидејќи доаѓа од Вашингтон. И покрај сето ова, Путин не мораше да прави никакви отстапки или да престане да ја бомбардира Украина.