Неколку десетина луѓе организираа забава на популарна плажа близу центарот на Барселона, а некои не носеа маски, ниту држеа дистанца и покрај антипандемиските мерки, соопшти денеска полицијата.
Забавата се одржа вчера на плажата Барселонета, а полицијата соопшти дека ги известила насобраните дека ги кршат здравствените прописи, пренесува Ројтерс.
Собири на повеќе од шест лица на јавни места се забранети во шпанскиот североисточен регион Каталонија, а оние кои не ги почитуваат мерките може да се соочат со парични казни од 300 до 600 евра, наведе полицијата.