Најмалку 119 лица загинаа, а десетина се повредени од пожарот кој што рано утрово изби на една живинарска фарма, во североисточниот дел на Кина.
Пожарот во местото Мишази, во провинцијата Џилин според првичните информации го предизвикале три експлозии на електричниот систем.
Како што пренесуваат медиумите тој избил за време на промена на смените, кога во фармата се наоѓале 350 работници.
Владата на провинцијата Џилин соопшти дека десетина лица се повредени, но постои страв дека бројот на жртви може да се зголеми.
Елена Георгиевска