Три лица загинаа, а неколкумина се повредени откако камион влетал во група луѓе кои биле на забава во градот Ниу Бејерланд во близина на Ротердам.
Во спасувањето на настраданите учествувале десет возила на брза помош и хеликоптер, а неколку лица се пренесени во болница.
Службата за влечење била повикана да помогне во извлекувањето на возилото кое припаѓало на шпанската компанија, јави агенцијата DPA.
Полицијата не го прецизираше точниот број на загинати, туку само наведе дека ја истражува несреќата што се случила околу 19 часот на 30-тина километри јужно од Ротердам.