Откако мајката на чеченскиот лидер беше ставена на листата со санкции на САД, Рамзан Кадиров упати директни закани до Американците и НАТО алијансата во најновото видео објавено на Телеграм.
Видеото на Твитер го сподели заменик министерот за внатрешни работи на Украина, Антон Герашченко, додавајќи на видеото и превод на англиски јазик.
„Отстранете ги брзо санкциите. Нема да ви простам што и наметнавте санкции на мајка ми. Ќе направам се! се наведува во снимката.
After Kadyrov's mother appeared on the US sanctions lists, he moved on to direct threats:
"Well, this only unties our hands. If the States have legitimized such criminal methods for themselves, then we will not limit ourselves by any boundaries.
The first and second Chechen… pic.twitter.com/P7wamaWxCu— Anton Gerashchenko (@Gerashchenko_en) August 31, 2023
„Ова само ни ги одврзува рацете. Ако државите сами си ги легализираа таквите криминални методи, тогаш нема да бидеме ограничени со никакви граници. Грузија, Украина – сето тоа се американски проекти во постсоветскиот простор, а да не зборуваме за други конфликти низ светот, почнати од фиктивни причини.
Ќе продолжиме да им го кршиме грбот на украинско-НАТО бандите. Можеме да одиме дури и до Елба, како што некогаш направи Висаитов во војната против нацистите. На Стејт департментот му е премногу удобно да го турка украинскиот народ кон смрт и да се крие зад мирна демократија. Неопходно е да се разбие оваа американска гнасотија“, рече Кадиров, според Герашченко.