Претседателот на Европската комисија Жан Клод Јункер е снимен како „ја протресува“ косата на една жена на влезот на седиштето на ЕК во Брисел и очигледно ја засрами.
Во тој период шефовите на државите и премиерите доаѓаа во седиштето на продолжението на Самитот.
Јункер неодамна изненадно ја напушти конференцијата за новинари во Брисел, а се шпекулираше дека тоа можеби го направил поради чевлите што ги носел, а биле во различна боја.
На сличен начин привлече внимание и пред неколку месеци за време на свечена вечера на лидерите на НАТО кога изгуби рамнотежа неколку пати, одеше нестабилно, а медиумите објавија и снимка на која се гледа како се тетерави, при што претседателите на Франција и Украина мораа да му помогнат да остане на нозе.
Веднаш потоа се појави фотографија на која се гледа како Јункер седи во инвалидска количка, а портпаролите на Комисијата изјавија дека станува збор за ишијас, кој му предизвикува пречки во движењето и му создава болки во грбот и нозете.