ВИДЕО: Израел нападна училиште на ОН во Газа, 27 мртви

Од:

Израелската војска рано утринава ја презеде одговорноста за воздушен напад врз училиште на УНРВА во Појасот Газа, каде што, според израелците, „имало база на Хамас. „Воени авиони извршија прецизен напад врз базата Хамас лоцирана во внатрешноста на УНРВА училиште во регионот Нусеират“, се вели во соопштението на израелската војска.

„Терористите од Хамас и Исламскиот џихад кои припаѓаа на силите Нухба и кои учествуваа во смртоносниот напад врз заедниците во јужен Израел на 7 октомври оперираа во овој комплекс. Терористите ја насочуваа својата кампања на терор од областа на училиштето додека го експлоатираа и го користат како засолниште“, додаде израелската војска.

Сепак, Исмаил Ал-Тавабта, директор на владината канцеларија за медиуми, управувана од Хамас, ги отфрли израелските тврдења дека во училиштето се наоѓа командно место на Хамас, додавајќи дека најмалку 27 луѓе кои барале засолниште биле убиени.

„Окупаторот ја лаже јавноста преку лажни измислени приказни за да го оправда бруталното злосторство што го изврши врз десетици раселени луѓе“, изјави Тавабта за Ројтерс. Израелската војска тврди дека презела чекори за да го намали ризикот од цивилни жртви пред да нападнат борбените авиони. Израел додаде дека нема да има прекин на борбите за време на преговорите за прекин на огнот.

Вашингтон продолжува силно да притиска за договор. Директорот на ЦИА, Вилијам Барнс, се состана со високи катарски и египетски посредници во Доха во средата за да разговараат за предлогот за прекин на огнот.

По краткото примирје кое траеше една недела во ноември, сите обиди да се преговара за прекин на огнот пропаднаа. Хамас инсистираше на своето барање за траен прекин на конфликтот, додека Израел вели дека е подготвен да разговара само за привремено примирје додека милитантната група не биде поразена.

Би можело да ве интересира

(ВИДЕО) Три лица загинаа, а 87 се ранети во големите израелски напади во градот Ходеида

ВИДЕО: Голема експлозија по напад со дрон во Тел Авив, една жртва и 10 се повредени

ЦИА: Лидерот на Хамас Јахја Синвар е под притисок да прифати договор со Израел

Хамас се повлекува од преговорите за примирје во Газа

(ВИДЕО) Ердоган: Нема соработка на НАТО со Израел додека нема мир во Палестина

Палестинците имаат право на држава вели новиот британски премиер