Украинскиот претседател Володимир Зеленски изјави дека има информации дека Русија подготвува масовен напад врз Украина.
„Постојат многу непријатни информации за подготовка на уште еден руски масовен удар. Постојат разузнавачки информации и веднаш по нашата прес-конференција ќе се вратам во Украина со мојот тим многу брзо“, рече Зеленски на прес-конференција по церемонијата на отворање на претседателството на Ирска со Советот на Европската Унија.
Украинскиот претседател ги повика граѓаните да не ги игнорираат сирените за воздушен напад и веднаш да одат во засолништа во случај на опасност.
„Ги повикувам нашите луѓе да бидат особено внимателни, да се заштитат себеси, своите деца и семејства, да користат засолништа и да обрнат внимание на сирените за воздушна опасност“, нагласи тој.
