Иран денеска лансираше повеќе ракети кон американските воени бази на Блискиот Исток како одмазда за нападот на САД врз иранските нуклеарни објекти во текот на викендот, потврдија за медиумите еден израелски и еден арапски функционер.
Footage showing air defence in Doha intercepting Iranian missiles. They’ve targeted a US airbase in the country. This is what Trump the ‘peacemaker’ looks like. https://t.co/UBgfv8d4Cs
— 🌍 𝙂𝙡𝙤𝙗𝙖𝙡 🌎 𝘼𝙛𝙛𝙖𝙞𝙧𝙨 🌏 (@OurEarthAffairs) June 23, 2025
Според нивните извештаи, шест ракети се испалени кон Катар, додека една ракета била насочена кон Ирак, пишува Axios.
Снимките од експлозии од Доха, главниот град на Катар, се проширија на социјалните мрежи.
Граѓаните пријавија силни детонации и пресретнување на ракети над градот.
Како што објави „Фокс њуз“, американските разузнавачки служби проценуваат дека нападот врз нивната воена база во Катар е „неизбежна закана“, додека Пентагон сè уште официјално не ги објавил штетите и можните жртви.
Во меѓувреме, амбасадата на САД во Доха издаде итно предупредување до своите граѓани, повикувајќи ги веднаш да се засолнат.
„Како превентивна мерка, им советуваме на американските граѓани да се повлечат во најблиските засолништа и да останат таму до понатамошни инструкции“, се вели во официјалното соопштение на амбасадата.