Иран вечерва испали балистички ракети кон северен Израел, активирајќи сирени за воздушен напад во неколку области, вклучувајќи го и крајбрежниот град Хаифа.
Израелската војска (ИДФ) соопшти дека идентификувала лансирање ракета од Иран кон израелска територија и дека се активирани системите за воздушна одбрана.
Incoming Iranian ballistic missiles seen in the sky over Northern Israel. pic.twitter.com/ul16bVS8tr
— OSINTdefender (@sentdefender) June 7, 2026
„Одбранбените системи работат на пресретнување на заканата. Командата за цивилна одбрана испрати прелиминарни предупредувања до мобилните телефони во погодените области“, соопшти ИДФ.
Според израелската служба за итни случаи „Маген Давид Адом“, две лица се повредени додека се упатувале кон засолништа по последниот ирански напад со балистички ракети врз Израел.
So far 3 waves of ballistic missile volleys aimed at Northern Israel, at least 4 from Kermanshah in the first wave, 5 from either Kermanshah or Tabriz, and 3+ from Urmia. pic.twitter.com/60zxZH65VC
— Theti Mapping (@ThetiMapping) June 7, 2026
Според досега достапните информации, тие се единствените повредени во најновиот бран ирански напади.
Според соопштението на Иранската револуционерна гарда (IRGC), кое го објави новинската агенција Фарс, вечервашниот напад бил предупредување.
„Вечерашната операција беше само предупредување. Доколку агресијата се повтори, одговорот ќе биде поширок и ќе ги вклучи сите американски и ционистички цели во регионот“, соопшти IRGC.
Veideos from the northern israel #iran #Israel pic.twitter.com/YnMUab0nSl
— jƏthııya 🐐 (@jethalaalhu) June 7, 2026
Иранската револуционерна гарда изјави дека причината за вечервашниот напад со балистички ракети врз северен Израел е продолжувањето на израелските напади врз Либан, како и американските напади врз иранските брегови и бродови во Ормутскиот теснец, Оманскиот Залив и Индискиот Океан.