(ВИДЕО) Хаос над Каракас: Дронови на небото, одекнуваат експлозии

Од:

Жителите на Каракас објавија дека имало пукање во текот на ноќта во близина на претседателската палата Мирафлорес во главниот град на Венецуела.

Според достапните извештаи, неколку дронови прелетале над палатата, по што следувало пукање кое предизвикало паника кај граѓаните, објавија локалните медиуми.

Неколку извори изјавија дека министерствата и владините згради во центарот на Каракас се евакуирани, додека фирмите и продавниците во близина на местото на инцидентот се затворени поради вонредната состојба.

Видеата објавени на социјалните мрежи покажуваат цивили и семејства кои бегаат во засолниште, додека на небото може да се видат дронови кој кои пука воениот персонал на венецуелската влада.

Тенкови се распоредени на патиштата во близина на Мирафлорес, вклучувајќи ја и авенијата Урданета.

Пукањето, според извештаите, е снимено и во близина на Федералната законодавна палата, далеку од Мирафлорес, како одговор на дроновите кои, според прелиминарните информации, се обиделе да се приближат до седиштето на владата.

Засега нема официјални информации за инцидентот, ниту пак е познато каде е привремената претседателка на Венецуела, Делси Родригез.

Инцидентот се случи неколку часа откако Родригез положи заклетва за привремена претседателка на Венецуела.

Сведоци изјавија за медиумите дека на неколку локации во градот се слушнале истрели и експлозии и дека инцидентот траел од неколку минути до речиси еден час, почнувајќи околу 20 часот по локално време.

Би можело да ве интересира

Руски хеликоптер навлегол во финскиот воздушен простор по инцидент со руски брод во Балтичкото Море

ВИДЕО: Американците објавија нови снимки од НЛО, забележани над Блискиот Исток

Зеленски му се закани на Путин: Кримскиот мост нема да опстане

САД ја притискаат Украина да постигне мировен договор со Русија до јануари: Киев стравува од големи отстапки

Предраг Петровиќ

Бизарни детали од животот на Епстин: Во Москва барал млади манекенки и очајнички се обидувал да стигне до Путин

Силен земјотрес го погоди Перу: Тресењето почувствувано и во главниот град

Предраг Петровиќ