Обилните врнежи кои со денови паѓаат во северниот и централниот дел на Нов Зеланд денеска се намалија, но жителите таму беа принудени да напуштат своите домови.
Градот Нелсон, во новозеландскиот Јужен остров, беше најтешко погоден. Жителите од неколку стотици куќи беа евакуирани, а некои од нивните домови беа прогласени за непогодни за живеење поради обилните врнежи.
Силниот дожд не го заобиколи ниту Северниот остров, каде што некои градови беа отсечени, патиштата беа поплавени, а луѓето беа принудени да ги напуштат своите домови. Во текот на изминатата ноќ беа извршени околу стотина нови евакуации. Во целата област околу Нелсон се евакуирани луѓе од вкупно 508 куќи.
Денеска метеоролозите забележаа слабеење на врнежите во северниот и централниот дел на Нов Зеланд, а предупредувањата кои важеа дотогаш беа отстранети.
Предупредувањата за обилни врнежи се уште се во сила на југот и југозападот од Јужниот остров.