Во текот на ноќта Русија го нападна јужниот град Одеса со крстосувачки ракети „Калибр“, од кои две беа соборени од градската противвоздушна одбрана, според прелиминарните информации од Јужната команда на украинската војска. Во објава на Фејсбук, командата наведува дека по нападот „пријавен е пожар во близина на деловниот центар и зафатен е магацинот на трговскиот синџир“. Три лица загинаа, а најмалку 13 се повредени.
Consequences of the #Russian attack on #Odesa. pic.twitter.com/dEK0WNfG06
— NEXTA (@nexta_tv) June 14, 2023
Експлозиите се слушнале во Одеса околу 2:30 часот по локално време, по што следел пожар и големо количество чад.
Командата соопшти дека според ажурираните информации, Русија истрелала четири крстосувачки ракети „Калибр“ кон градот.
Sirens.Launch of🇷🇺missiles. Deaths.This night was horrible for #Odesa. As a result of missile attack,3 people were killed&at least 13 were injured. Business centre,educational institution,residential complex, restaurants&shops were damaged.
This is what🇷🇺means by military targets pic.twitter.com/W9Sx9Njysm— Emine Dzheppar (@EmineDzheppar) June 14, 2023
Делови од проектили оштетиле и деловен центар, образовна институција, станбен комплекс и продавници во центарот на градот. Командата, исто така, објави дека луѓе се уште може да се заробени под урнатините на местата на нападите.