Голем број пожарникари се борат со пожар на југот на Франција, што доведе до евакуација на неколку кампови со многу туристи, јавува германската агенција ДПА. Голем пожар гори во провинцијата Пиринеи-Ориентали, изјави министерот за внатрешни работи Џералд Дарманин. Тој ги повика населението и туристите да бидат крајно внимателни.
#BREAKING – #France: A major fire is still underway in Saint-André in the Pyrénées-Orientales, mobilizing more than 200 firefighters. pic.twitter.com/WIIAw49O9o
— Jack Straw (@JackStr42679640) August 15, 2023
Распоредена е противпожарна бригада со 13 авиони, три хеликоптери и повеќе од 500 пожарникари.
Пожарот избувна во понеделникот попладне меѓу градот Сен-Андре и познатото приморско одморалиште Аржелес-сур-Мер на Средоземното Море, соопштија пожарникарите. Радио станицата France Blue, повикувајќи се на локалните власти, објави дека во пожарот се уништени 300 хектари претежно ниска вегетација.
Три кампа со многу туристи беа евакуирани, додека пожарот се закануваше на некои станбени згради и продавници. Спортската сала е подготвена за сместување на евакуираните. Локацијата на пожарот е западно од градот Перпињан, недалеку од границата со Шпанија.