Огромен пожар избувна во станбена зграда во јужен Лондон, а со пожарот се борат 60 пожарникари.
#croydon Whitehorse road pic.twitter.com/tGZ3kmwu90
— BANNERWORX (@BANNERWORX) June 7, 2023
Од зградата се евакуирани околу 80 луѓе, а на луѓето им се препорачува да ја избегнуваат областа, бидејќи осум противпожарни возила и екипи работат на гаснење на пожарот. Пожарникарите биле повикани околу 17 часот денеска на пожар во станбен блок на Вајтхорс Роуд во Кројдон.
Лондонската противпожарна бригада соопшти дека бележи напредок во гаснењето на пожарот кој зафати дел од првиот, вториот, третиот и четвртиот кат на петкатницата. Командантот на станицата Крис Јанг, кој е на местото на настанот, рече:
„Од зградата излегоа околу 80 луѓе. Се очекува оваа вечер локалните патишта да бидат затворени неколку часа, а луѓето се повикуваат да го избегнуваат локалното подрачје“, пишува Дејли Мејл.