Пожар избувна во околината на Марибор. Се работи за голем пожар, а на терен се неколку противпожарни единици. Противпожарната служба на Марибор за N1 Словенија потврди дека гори фабрика за преработка на пластика.
Takega pozara v Mariboru se ni bilo. Gori Surovina🙏🙏 pic.twitter.com/GcoiaJgGoN
— Slovenizem (@General_Maister) February 8, 2025
Се наведува дека објектот е во сопственост на компанијата Плана. Како што објасни командантот на пожарникарите во Марибор, Примож Осојник, се запалила шаторската хала во која се чувале пластични производи, а пожарот се проширил на површина од 9.600 метри квадратни.
Со пламените јазици се борат 150 пожарникари, меѓу кои пожарникари од Марибор и пожарникари од 18 околни противпожарни служби.
Според досега познатите информации, во пожарот нема повредени, соопштија од полициската управа Марибор. Според првата, неофицијална проценка на полицијата, материјалната штета изнесува неколку милиони евра.
Полицијата ги повикува граѓаните да се држат настрана од пожарот и ги советува да ги затворат прозорците.