Повеќе од 150 пати Елзбиета Плачковска го забила ножот во својот седумгодишен син Џастин и петгодишното девојче Оливија Двараковски, ќерка на нејзината пријателка Марта Двараковски. Ги убила и двете семејни кучиња.
Злосторството се случи во предградиото Непервил, во американската сојузна држава Илионис, а му претходела жестока расправија на Плачковска со нејзиниот сопруг.
Децата како што пренесуваат американските медиуми пред да одат на спиење скокале по креветот. Плачковска им рекла дека злото влегло во нив и дека мора да клекнат и да се молат за од нив да излезат лошите духови.
Тогаш отишла по кујнскиот нож, и го забила повеќе од сто пати во телото на нејзиниот син, и над 50 пати во телото на малата Оливија.
„На синот му рече дека ќе оди во рајот, и упорно го бодела со ножот. Тој ја молел да престане. Дури и рекол и дека ја сака. Била одлучна во тоа со нешто да го повреди сопругот, толку колку што тој ја повредил неа. Навела дека е лута поради честото отсуство на нејзиниот сопруг“, извести обвинителството.
Кога Плачковска сфатила што направила, неколку пати се јавила во локалната црква, а потоа заминала некаде. Потоа сета крвава дошла и до домот на својата пријателка Марта чија ќерка ја убила. Марта повикала полиција.
Таа на полицијата и раскажала неколку верзии на приказната, вклучувајќи ја и таа дека некој упаднал во куќата. Се обидела и да си пресуди, па сега е под строг надзор за да не се самоубие.
Последните неколку дена била премногу растроена, поради смртта на нејзиниот татко и сакала да се врати во Полска, но нејзиниот сопруг бил против.