По три месеци од израелските напади во Појасот Газа, Обединетите нации (ОН) објавија дека ситуацијата за цивилите на палестинската територија станува уште посмртоносна и потешка.
„За три месеци по ужасните напади на 7 октомври, Газа стана место на смрт и очај“, рече Мартин Грифитс, шеф на организацијата за итна помош на ОН OCHA. Дури и областите каде што се преселиле леkarite по барање на Израел биле бомбардирани, а медицинските установи исто така биле „безмилосно нападнати“.
Netanyahu and Biden have turned Gaza to worse than the hell! pic.twitter.com/PtfQlBxpP2
— Ashok Swain (@ashoswai) January 6, 2024
Израелската армија во повеќе наврати изврши напади во и околу болниците во изолираното крајбрежно подрачје под обвинувања дека исламистичката организација Хамас ги злоупотребува за терористички цели.
Неколкуте болници кои сè уште се делумно функционални се преплавени од очајни луѓе кои бараат заштита, рече Грифитс.
„Се случува катастрофа во јавното здравство. Заразните болести се шират во преполните засолништа бидејќи се излеваат отпадните води. Околу 180 Палестинки се породуваат секој ден во овој хаос. Луѓето се соочуваат со најголемото ниво на криза со храна досега забележано. Гладот е зад аголот“, рече Грифитс.
„Посебно за децата, изминатите 12 недели беа трауматични. Нема храна. Без вода. Нема школо. Ништо, освен застрашувачките звуци на војна, од ден на ден“, рече координаторот за вонредни ситуации на ОН.
Појасот Газа едноставно стана „непогоден за живеење“, рече тој.
Според здравствените власти, кои се под контрола на Хамас, повеќе од 22.000 луѓе, од кои огромно мнозинство се цивили, се убиени од почетокот на војната.
Во исто време продолжуваат ракетните напади врз Израел, а во Појасот Газа се уште се држат 120 заложници, нагласи Грифитс. Тој ги повика двете страни да ги исполнат своите обврски според меѓународното право и уште еднаш повика на итен прекин на војната.