Големи пламени јазици и столбови од чад високи стотици метри можеа да се забележат утрово по локално време во фабриката за хемиски производи „Кемтул“ во Роктон, во американската држава Илиноис.
Според локалните власти, за пожарот е пријавено во 7 часот и триесет минути утрото, а десетина противпожарни возила, помогнати од доброволци, се борат против огнената стихија.
Полицијата соопшти дека на пожарот, кој сега зафатил голем дел од фабриката, му претходела некаква експлозија, но засега не се познати детали.
Властите наредија евакуација на сите населени места и компании јужно од фабриката која сѐ уште гори, поттикнувајќи страв од еколошка катастрофа.