Експлозии одекнаа во руска фабрика за челик по наводен напад со дрон. Во последните месеци има зголемување на нападите со беспилотни летала врз енергетската и воената инфраструктура во Русија, за што Москва често ја обвинува Украина. Сепак, Киев обично не презема одговорност за овие напади.
Пожар произошёл ночью в Липецке на крупнейшем сталелитейном заводе в РФ — Новолипецком металлургическом комбинате. Очевидцы в городских чатах сообщили об атаке дронов. Губернатор Игорь Артамонов утверждает, что пострадавших нет. В Минобороны отчитались о том, что сбили над… pic.twitter.com/EJzHEIXTbc
— ЭХО (@echofm_online) February 24, 2024
Игор Артамонов, регионалниот гувернер на Липецк, изјави дека пожарот во главната фабрика на Новолипецк Стил (НЛМК)на околу 450 километри од границата на Русија и Украина, бил предизвикан од дрон. Но, Артамонов не го спомна конкретно Киев и додаде дека нема жртви.
Фабриката е примарен производствен капацитет на НЛМК и е специјализирана за рамен челик. Таа произведува 18 отсто од вкупното руско производство на челик. НЛМК е клучен имот на Владимир Лисин, руски милијардер, трет најбогат Русин на листата на Форбс за минатата година.
Повикувајќи се на неименувани извори, украинскиот медиум ТСН објави дека централата била цел на Украинската служба за безбедност и Главната управа за разузнавање и дека пожарот предизвикал евакуација на работниците.
Руското Министерство за одбрана соопшти дека Русите собориле два дрона над регионот и пресретнале уште два во регионите Курск и Тула.