Шеснаесет лица загинаа, а девет се повредени во голем пожар што избувна на четврти кат од станбена зграда во Дубаи, соопштија локалните власти.
Портпаролот на цивилната одбрана на Дубаи изјави дека пожарот избувнал во саботата попладне, објави локалниот весник Khaleej Times.
Пожарникарите пристигнале на местото на настанот за неколку минути, а нивната брза акција спасила многу животи.
Прелиминарната истрага покажа дека пожарот настанал поради непочитување на безбедносните прописи.
Надлежните органи спроведуваат истрага за утврдување на точната причина за несреќата.
Пожарот избувнал во петкатница во еден од најстарите делови на Дубаи, каде се наоѓаат многу продавници.