Мајката на шестгодишното девојче, кое е исчезнато една недела откако остана заробена под автомобилот врз кој пукаше израелската војска во центарот на Газа, со денови стои пред болницата, надевајќи се дека нејзината ќерка ќе пристигнете „во секој момент“, пренесува Би-Би-Си.
Се верува дека девојката, Хинд Раџаб, е единствената преживеана од седумте патници кои биле во автомобилот во градот Газа, кој бил дел од конвојот на кој бил отворен оган.
Сепак, сè уште не е позната нејзината судбина, како и судбината на двајцата вработени во палестинската Црвена полумесечина кои тргнале да го спасат девојчето, а со кои е изгубен секаков контакт.
The mother of the Palestinian girl Hind Rajab, who has been missing for a week, calls on international institutions and organizations to take action to search for her daughter and reveal her fate.pic.twitter.com/BsZVZxNuKe#Gaza_Genocide
— Aidarouss Ahmed Hirsi 🇵🇸 (@aidaroussahmed) February 4, 2024
„Хинд постојано нѐ молеше да дојдеме да ја земеме, да испратиме некој да ја земе. Таа рече дека се стемнува“, рече Рана ал-Факех, работничка на Црвената полумесечина која последен пат била во контакт со Хинд.
Рана е сè уште многу потресена од настанот и рече дека нејзиниот тим за одговор при итни случаи „се чувствувал парализиран“.
„И реков ако падне ноќ и се уште не можеме да испратиме тим, да се обиде да и ги затвори очите и да се преправа дека играме криенка. Да ги затвори очите и да почне да брои“, рече таа и додаде дека таа слушнале истрели во позадина за време на повикот.
Иако Црвената полумесечина заклучила дека е доволно безбедно да се испрати брза помош четири часа по повикот, набрзо изгубиле контакт со спасувачите.
Прва што зборуваше со Црвената полумесечина беше 15-годишната роднина на Хинда, Лајан Хамаде, заробена во истото возило во близина на бензинска пумпа во градот Газа додека израелските тенкови и војници се приближуваа.
„Пукаат во нас. Тенкот е до мене“, се слуша како вели Хамаде на друга аудио снимка објавена од Црвената полумесечина, проследена со врисоци и звук од пукотници.
Според Црвената полумесечина, Хамаде и уште пет членови на семејството биле убиени во тој напад.
Единствената преживеана, Хинда, останала на линијата разговарајќи со Рана и психологот три часа, кои се обиделе да ја смират додека се подготвувале да испратат брза помош.
Рече дека сите околу неа се мртви или спијат, беше крајно исплашена, ме молеше да не ја прекинувам линијата“, вели потресена Рана, но линијата неповратно се изгуби по неколку часа.
Мајката на девојчето со денови чека пред болницата во Газа, надевајќи се дека брза помош ќе и го донесе детето, но секој ден тие надежи се намалуваат.
Израелската армија соопшти дека не знаела за споменатиот инцидент.