Најмалку десет војници и пожарникари се повредени при серијата експлозии и пожари во касарната „Форт Бонифацио“, што се наоѓа во близина на центарот на главниот град на Филипините, Манила.
Серијата експлозии започнала утрово, од засега непознати причини, а пожарот што избувнал по првата експлозија, предизвикал серија други пожари и експлозии.
Филипинската армија ги потврди извештаите на локалните медиуми, но ги демантираше претпоставките дека при експлозиите загинале неколку војници.
Касарната „Бонифацио’’ е познато по тоа што беше прв воен објект заземен при демонстрациите против диктаторот Фердинандо Маркос. Од таму, кон центарот на Манила тргнаа над милион Филипинци кои го принудија диктаторот Маркос да се повлече од власта и да избега од земјата.