Автомобил удри во ограда на Даунинг стрит, каде се наоѓа канцеларијата и резиденцијата на премиерот Риши Сунак, соопшти денеска лондонската полиција, додавајќи дека еден маж е уапсен поради опасно возење.
„Околу 16:20 часот автомобил удри во оградата на Даунинг стрит во улицата „Вајтхол“. Вооружени полицајци уапсија маж на местото на настанот поради сомнение за направена штета и опасно возење“, информираше полицијата.
Според информациите, автомобил „киа“ возејќи со мала брзина низ „Вајтхол“, главната сообраќајница што минува покрај Даунинг стрит, удрил директно во портите од ковано железо што го спречуваат јавниот пристап до срцето на владата на Обединетото Кралство.
Премиерот Риши Сунак бил во резиденцијата во моментот на инцидентот. Конвој автомобили набрзо потоа го напушти објектот од задната стрна.
Armoured cars seen leaving back of Number 10 moments ago after car crashes into Downing Street gate. pic.twitter.com/EAKVu0xwoQ
— George Grylls (@georgegrylls) May 25, 2023
Во инцидентот нема повредени.