Две лица загинаа, а осумнаесет се повредени откако мал авион денеска се урна во фабрика за мебел во Калифорнија, јавува Sky News. На снимката од надзорната камера се гледа како авионот се навалува на едната страна додека се приближува до зградата, пред да експлодира.
Авионот потоа се урнал низ покривот на зградата во која во тоа време биле 200 работници. Несреќата се случила само две минути откако авионот полетал од општинскиот аеродром Фулертон во округот Оринџ.
Портпаролот на полицијата изјави дека се уште не се знае дали двајцата загинати се во авионот или работници од фабриката. На осум повредени лица на лице место им била укажана прва помош, а десет од нив морале да одат во болница.
Потврдено е дека авионот е модел RV-10, со четири седишта. Ова е втор ваков модел на авион кој доживеал несреќа по полетувањето од истиот аеродром во рок од два месеци.