Основачот на Викиликс, Џулијан Асанж му се потсмеваше на американскиот претседател Барак Обама на седницата на Генералното собрание на ОН, а тоа се случуваше пред 150 луѓе. Асанж го критикуваше Обама кој од една страна се залага за слобода на говорот на Блискиот исток, додека од друга страна го гони Викиликс поради објавените тајни депеши на амероканската дипломатија.
„Мора да е големо изненадувањето за египетските тинејџери, кои ги оплакнаа очите од американскиот солзавец да слушнат дека САД ги поддржуваат промените на Блискиот исток“, рече Асанж кој се наоѓа во амбасадата на Еквадор.
Тој тврди дека случајот со Шведска која го бара за сексуалална злоставување на неговата соработничка е завера за да му се суди во САД поради неговата работа на Викиликс кој објави многу тајни документи на американската дипломатија.
„Време е претседателот Обама да го одржи својот збор и САД да престане да го прогонува Викиликс и нашите извори на информации“, рече Асанж во видео пораката во ОН, која ја организираше Еквадор.