Министерството за одбрана на САД објави дека неговите сили извршиле рација и запленување на бродот „М/Т Тифани“ во текот на ноќта. Акцијата е спроведена во Индо-пацифичкиот регион, а според официјалното соопштение, сè поминало без инциденти.
Овој потег јасно става до знаење дека Вашингтон ја заострува контролата врз морските патишта, таргетирајќи бродови кои, и покрај меѓународните санкции, служат како клучна логистичка поддршка за Иран.
Overnight, U.S. forces conducted a right-of-visit, maritime interdiction and boarding of the stateless sanctioned M/T Tifani without incident in the INDOPACOM area of responsibility.⁰⁰As we have made clear, we will pursue global maritime enforcement efforts to disrupt illicit… pic.twitter.com/EGwDe3dBI3
— Department of War 🇺🇸 (@DeptofWar) April 21, 2026
Министерството за одбрана на САД го опишува бродот „М/Т Тифани“ како „брод без државјанство“, што во поморското право значи дека не го вее знамето на ниту една призната земја или неговата регистрација е неважечка. Токму ваквите бродови често ги користат Иран и неговите соработници во „флотата во сенка“ за да го избегнат радарот на меѓународните регулатори и непречено да транспортираат нафта или воена опрема.
Американските сили, тврди Пентагон, го користеле „правото на посета“, што е меѓународна правна доктрина што им дозволува на воените бродови да запрат и да проверат брод на отворено море ако постои основано сомнение дека нема јасна национална припадност или е вклучен во нелегални активности.
Пентагон испрати не толку суптилна порака до Техеран и сите мрежи што помагаат во заобиколувањето на санкциите. Тие нагласија дека ќе продолжат со глобалните напори за сузбивање на нелегалните мрежи што обезбедуваат материјална поддршка на Иран, без оглед каде пловат овие бродови.
U.S. Marines depart amphibious assault ship USS Tripoli (LHA 7) by helicopter and transit over the Arabian Sea to board and seize M/V Touska. The Marines rappelled onto the Iranian-flagged vessel, April 19, after guided-missile destroyer USS Spruance (DDG 111) disabled Touska’s… pic.twitter.com/mFxI5RzYCS
— U.S. Central Command (@CENTCOM) April 20, 2026
„Меѓународните води не се засолниште за санкционирани бродови. Министерството за војна ќе продолжи да им ја негира слободата на движење на нелегалните актери во поморскиот домен“, се вели во острата изјава.
Овој последен упад доаѓа само два дена по драматичното запленување на иранскиот контејнерски брод Туска во Оманскиот Залив. Во тој случај, американските специјални сили извршија рација врз брод што пловел под иранско знаме откако екипажот ги игнорирал предупредувањата шест часа. Туска беше пресретнат во близина на иранското пристаниште Чабахар под сомнение за транспорт на стоки со двојна намена – електроника и метали што можат да се користат во производството на балистички ракети.
Техеран го осуди инцидентот како „вооружен грабеж“ и „нелегален чин“, тврдејќи дека американските сили нападнале трговски брод што превезувал цивилен товар од Кина. Од друга страна, Вашингтон беше јасен: Туска припаѓа на групата IRISL, која е под санкции од 2019 година како клучен логистички играч на Револуционерната гарда.