Две лица беа уапсени во Лондон, откако ги обоија водите на градските фонтани на плоштадот Трафалгар, за да ја повикаат британската Влада да ги спречи идните пандемии со прекинување на фабричкото земјоделство.
Групата „Бунтовници за животни“ соопшти дека го организирала протестот во центарот на Лондон за да го привлече вниманието на она за што смета дека е вистинската причина за настанување на кризата со „Ковид-19“ – експлоатација на животните.
Animal rights activists pour red dye into fountains on Trafalgar Square in London in a protest against animal farming "to prevent future pandemics." pic.twitter.com/vZlCkYLnGN
— CBS News (@CBSNews) July 13, 2020
Групата за заштита на правата на животните соопшти дека акцијата е координирана со протести во 20 градови, вклучувајќи ги Бристол, Брајтон и Њујорк. Демонстрантите сметаат дека треба да се заштити животот на секое животно бидејќи, во спротивно, ризикот од појава на идни пандемии ќе стане поголем.