Тинејџер е убиен во напад на ајкула на популарно место за одмор и сурфање во Јужна Австралија, соопшти полицијата. Тело беше извлечено од водата по нападот, во близина на плажата Етел во Националниот парк Инс, на полуостровот Јорк, соопштија полицајците.
Локален жител изјави за ABC News дека нападот бил првиот фатален напад во одморалиштето за кој знаел. Во соопштението, јужноавстралиската полиција соопшти дека нападот првпат бил пријавен кај нив во 13:30 часот по локално време во четвртокот.
„За жал, телото на тинејџерот е извадено од водата“, се вели во соопштението на полицијата. Полицијата, која не ја објави возраста на тинејџерот, рече дека полицајците подготвуваат извештај за судскиот вештак. Меѓутоа, австралиските медиуми дознале дека тинејџерот имал само 14 години.
Плажата Етел е песочна плажа за сурфање долга 400 метри, популарна меѓу сурферите и туристите, со бранови високи околу 1,5 метри. Овој напад на ајкула е последен од неколкуте во водите на Јужна Австралија во последните месеци.
Во мај, сурфер беше убиен на полуостровот Ер, а во февруари ајкула повреди девојче во реката во Перт, главниот град на Западна Австралија. Австралија има повеќе напади на ајкули од која било друга земја освен САД.