Властите во канадската провинција Британска Колумбија наредија евакуација на 30.000 домаќинства додека беснеат околу 400 шумски пожари, јавува Би-Би-Си.
Официјалните лица го ограничија патувањето до градот Келовна со 132.000 луѓе, каде што чадот од блиските пожари се надви над езерото Оканаган.
Со наредбата тие сакаат да обезбедат доволно сместување за евакуираните и работниците за итни случаи.
Fire wipes out Kelowna, Canada – CBC.
The number of people under evacuation orders in British Columbia has increased from 4,500 to 15,000, with an additional 20,000 people on standby to evacuate, according to Emergency Management Minister Bowinn Ma.
Prime Minister David Eby… pic.twitter.com/VYqluBhyp6
— Sprinter (@Sprinter99800) August 20, 2023
Пожарите уништија домови во блискиот град Западна Келоун, кој има околу 36.000 жители.
Ограничувањата за патување важат и за градовите Камлупс, Оливер, Пентиктон и Вернон и Осојос.
Стотици километри на север, огромен пожар продолжува да се шири кон градот Јелоунајф.
Официјалниот рок за евакуација на овој град, главниот град на северозападните територии на Канада, истече во петокот, на 18 август. Локален функционер подоцна истиот ден изјави дека речиси сите жители заминале, било со автомобил или со авион.
Околу 19.000 од 20.000 жители на градот биле евакуирани. Властите соопштија дека 39 пациенти биле префрлени од болницата во алтернативни установи во петокот навечер, што ги прави последните луѓе кои биле евакуирани од градот.