Летовите во Велика Британија се откажани, а армијата е распоредена за да им помогне на граѓаните кои се подготвуваат за новата бура Денис, која според надлежните, може да донесе обилни дождови и поплави во делови на Англија.
Огромни бранови високи до девет метри утрово ги поплавуваат бреговите на северен Атлантик, а ураганските ветрови достигнуваат брзина до 148 километри на час, соопшти американскиот Национален метеоролошки центар.
Денис, четвртото невреме оваа зимска сезона, веќе предизвика големи проблеми во сообраќајот низ целата земја, јавија локалните медиуми.
Авиокомпаниите од претпазливост откажаа стотици летови од Лондон и други британски градови, а железничките оператори предупредуваат дека се можни одложувања или откажувања во возниот ред.
Во некои делови на северна Англија, која сè уште закрепнува од минатонеделното невреме Кјара, невремето се очекува да донесе 120 сантиметри дожд.
Бурата Денис доаѓа само една недела откако Кјара предизвика проблеми во сообраќајот и остави илјадници домови без струја, а се стравува дека ќе направи уште поголема штета.