Велика Британија формира нова агенција за борба против криминалот и најави промена во стратегијата за борба против организираниот криминал.
Според британските власти организираниот криминал ја чини земјата 24 милијарди фунти годишно и претставува опасност за националната безбедност.
Новата Национална криминалан агенција (НКА) за борба против организираниот криминал, која го доби името „Британско ФБИ“ од медиумите, ќе се фокусира на борба против организираниот криминал, економскиот криминал и кибер нападите. Агенцијата ќе биде задолжена и за контрола над границите и борба против злоупотреба на деца.
Генералниот директор на НКА Кит Бристоу најави нови односи со приватниот сектор и активна соработка со надворешни соработници.
НКА ќе има над 4.000 службеници, прв национален разузнавачки центар и национална единица за борба против кибер криминал.