Американскиот весник „Вашингтон пост“ пишува дека Украина почнала да користи касетни бомби кои неодамна ги добила од САД. Касетните бомби се забранети во повеќе од 100 земји, но Русија ги користи во Украина од почетокот на инвазијата на крајот на минатиот февруари, пишува весникот.
Руските сили на линијата на фронтот во југоисточна Украина сега се нападнати од ова неселективно оружје што може да остане неексплодирано откако ќе биде истрелано. ОН објавија дека Русија користела такви бомби во населените области на Украина најмалку 24 пати од почетокот на непријателствата.
Украинскиот полковник Олександр Бакулин изјави за Би-Би-Си претходно оваа недела дека оружјето е потребно за „да се нанесе максимална штета на непријателската пешадија“. Украински функционер тогаш за „Вашингтон пост“ изјави дека касетни бомби биле истрелани врз утврдените руски позиции.