Советникот за национална безбедност Џејк Саливан разговараше со колегата од Јужна Кореја, Ким Сунг-хан за лансирањето три ракети од страна на Северна Кореја, соопшти Белата куќа.
– Двајцата ги осудија дестабилизирачките балистички тестови на Пјонгјанг и се договорија да продолжат со соработка, се наведува во соопштението.
Северна Кореја истрела три проектили, за едниот се верува оти е интерконтинентален, само ден откако претседателот на САД, Џо Бајден, ја напушти Азија.
Според јапонскиот министер за одбрана Нобуо Киши, тестирањето балистички ракети на Пјонгјанг, е, „провокација што не може да се толерира“.