Тестирањето на американскиот нуклеарен арсенал е од суштинско значење за одржување на националната безбедност, изјави денес американскиот потпретседател Џ.Д. Венс, откако американскиот претседател Доналд Трамп ѝ нареди на војската да продолжи со тестирањето на нуклеарно оружје за прв пат по 33 години.
„Важен дел од американската национална безбедност е да се осигураме дека нашиот нуклеарен арсенал всушност работи правилно“, изјави Венс пред новинарите пред Белата куќа, објави Ројтерс.
Венс додаде дека администрацијата знае дека постојниот арсенал „работи правилно“, но дека треба да се проверува и одржува со текот на времето.