Амбасадорот на Украина во Велика Британија и поранешен врховен командант на вооружените сили на Украина, Валериј Залужњи денеска изјави дека, по директното вклучување на рускиот сојузник во војната против Украина, може да се смета дека започнала Третата светска војна.
„Верувам дека во 2024 година, апсолутно можеме да тврдиме дека Третата светска војна започна. Затоа што во 2024 година Украина повеќе не се соочува со Русија. Војниците од Северна Кореја стојат пред Украина. Да бидеме искрени. Веќе во Украина има ирански „Шахеди“, тие убиваат цивили“, рече Залужни на доделувањето на наградата УП-100, пренесува Укринформ.
Според неговото мислење, повеќето од војската би се согласиле дека сите горенаведени фактори се причина да се каже дека светската војна започнала и дека светот треба да се подготви за неа.