Чешките таблоиди повторно објавија фотографија на претседателот Вацлав Клаус со поранешната стјуардеса Петра Беднарова.
Фотографијата е направена на прашко тениско игралиште, на истото место како и минатата година и повторно е овековечен моментот на предавање на букет цвеќе.
Според пишувањето на весниците, средбата по повод роденденот на 32-годишната Беднарова оваа година е остварена порано поради обврски на претседателот во август.
Обезбедувањето на Клаус, поради присуството на новинарите го изнеле претседателот на задниот излез и не дозволиле следење на двојката.
Таблоидите во Чешка, аферата со Беднарова ја обелоденија во 2007 година објавувајќи нејзини фотографии со Клаус. Тогаш таа работеше како стјуардеса во владиниот авион.
Во едно интервју, Клаус коментирајќи ја неговата наводна невера изјави:
„Човек кој ја преминува улицата на црвено секако дека треба да смета на тоа дека може да се лизне и да биде прегазен од некој автомобил“.