Усвоени вкупно две милијарди евра воена помош од ЕУ за Украина

Од:

Советот на ЕУ денеска одобри дополнителна воена помош за Украина, вкупниот износ достигнува две милијарди евра, јави дописничката на МИА од Брисел.

На предлог на високиот претставник за надворешна политика на ЕУ, Жозеп Борел, земјите членки на ЕУ денеска дадоа зелено светло за нова транша помош за украинските воени сили.

ЕУ веќе испрати три транши, во вкупен износ од 1,5 милијарди евра, четвртата транша од 500 милиони евра значи дека украинската војска сега добила две милијарди евра вкупно од ЕУ.

Воените средства и ресурси од ЕУ за Украина се усвојуваат во рамките на Европскиот мировен фонд, бидејќи тој фонд е стриктно меѓувладин и е надлежност само на земјите членки, не на заедничкиот ЕУ буџет.

Со оваа помош ЕУ сака да докаже дека ја поддржува Украина во својата борба против руската агресија и да помогне да се заштити цивилното население.

Борел го поздрави одобрувањето на предлогот.

-Со овие 500 милиони евра, земјите членки на ЕУ алоцираат вкупно 2 милијарди помош во воена опрема за украинските воени сили. Оваа поддршка е само дек од европските напори да и се помогне на Украина да се брани. ЕУ и нејзините земји членки се решение да продолжат, рече шефот на ЕУ дипломатијата.

Оваа последна транша од 500 милиони евра е поделена на 490 милиони евра воена опрема и 10 милиони евра за лична заштитна опрема, прва помош и гориво.

Извор: МИА

Би можело да ве интересира

Ако победи Трамп, финансискиот товар за помош на Украина ќе се промени на штета на ЕУ тврди Орбан

Катерина Ѓуровски

(ВИДЕО) Се шири снимка: „Украинец во цивилна облека истрела крстаречка ракета кон Русите од рамо“

Признаа: „Се обидовме да го убиеме Путин“

(ВИДЕО) Зеленски: Сите ги чекате изборите во САД, Украина не може да чека до нември

Катерина Ѓуровски

ВИДЕО: Хезболах со дрон ги снимал израелските воени бази и го објави видеото

(ВИДЕО) Украинските партизани објавија снимка: Ја саботиравме клучната пруга во Русија