Две раце му се пресадени на 52-годишниот Габриел Гренадос во мексиканската болница. Тој своите ги загубил во струен удар.
Опрериан е во месец мај и по 20 дена е пуштен од болница.
„Потребно е уште многу трпение за целата терапија да заврши и медицинска поддршка која досега беше многу добра. Лекарите многу внимаваат на мене“, рече тој.
Среќата на Мексиканецот се должи и на ретка случајност која лекарите ја пронашле со донаторот. Големината на рацете, обликот и крвна група на донаторот и пациентот биле исти.
Д-р Мартин Иглесијас, шеф на оперативниот тим во оваа прилика изјави дека предизвик за нив е пациентот да може да ги користи своите раце како свои.
„Постигнавме добри резултати, речиси 95 проценти операцијата е успешно реализирана. Сега се бориме Габриел да добие 100 проценти добри и функционални раце“, рече тој.