Двегодишно дете падна од прозорец од стан во 11. виенска област.
Несреќата се случи во четвртокот околу осум часот наутро, додека за детето се грижела 45-годишната баба.
Жената на кратко отишла до тоалетото, а за тоа време детето се качило на прозорецот од станот на улицата Симерингер хауптштрасе и паднало долу на бетонот. Иако паднало од висина од 4 метри, детето не се здобило со сериозни повредеи, но полицијата против неговата баба покрена истрага за небрежност.
Инаку, ова е само една во низот слични несреќи во австрискиот главен град во последно време. Пред неполни два месеци две тригодишни момчиња во рок од неколку дена паднаа од прозорец. И двете деца го преживеаа падот.
Службата за безбедност во сообраќајот соопшти дека во Австрија 20-тина деца паѓаат од прозорец, а во просек два до три имаат смртен исход. Оваа институција ги предупредува родителите и старателите да не ја потценуваат способноста на малите деца. Се препорачува вградување на сигурносни брави на вратите од терастите, а родителите се молат каучите да не ги ставаат покрај прозорците.