Украинскиот министер за одбрана Рустем Умеров денеска ги потврди извештаите дека украинската армија се вклучила во борба со севернокорејските сили за прв пат откако Пјонгјанг ги испрати своите сили да и помогне на Русија.
Во интервју за јужнокорејските медиуми, Умеров изјавил дека имало „мали судири“ меѓу вооружените сили на Украина и севернокорејските војници, но не навел други детали, пишува бриселскиот портал Политико.
На прашањето дали тоа значи дека Северна Кореја официјално влезе во војната, Умеров одговори потврдно.
„Мислам дека е така. Тоа беше конфликт. Очекуваме уште конфликти во наредните недели“, додаде тој.
Повеќе од 10.000 севернокорејски војници сега се во регионот Курск за да помогнат во инвазијата на Москва на Украина, соопшти денеска Пентагон.