Нема индикации дека украинската војска ќе и се предаде на Русија во опколениот град Мариупол.
Советникот на градоначалникот на Мариупол, Петро Андриушченко, на Телеграм објави дека и покрај рускиот ултиматум за „коридорот за предавање“ на преостанатите војници во градот, „нашите бранители продолжуваат да ја држат одбраната“.
Андриушченко додаде дека нападите на руските сили не се ограничени само на фабриката за челик Азовстал, каде се наведува дека престојуваат украинските војници.
„За време на борбите, окупаторите повторно со тешка артилерија гранатираа приватни станбени куќи“, рече тој.