Украинскиот министер за одбрана Алексеј Резников денеска изјави дека војната со Русија може да трае долго и со болни загуби за украинската страна, но дека Украина дефинитивно ќе победи.
„Имаме многу подмолен непријател. Војната може да биде долга, бидејќи тоа е вистински маратон. Сè уште ќе имаме болни загуби. За да ги победиме Русите и да не го пренесеме овој проблем на идните генерации, мора да разбереме дека главната работа е набавка на оружје“, нагласи тој министерот говорејќи на 6. Меѓународен форум на ветерани, пренесува ТСН.
Според него, победата не е поврзана само со деокупација на територијата, туку, како што наведе, важно е да се направи се што е можно за окупаторите никогаш да не помислат да се вратат.
„Сепак, ова е тешка задача. Многу луѓе во светот сè уште веруваат дека тоа е невозможно. Сепак, Украинците веќе докажаа дека имаат поинаква идеја за тоа што е можно, а што е невозможно, па ние дефинитивно ќе победиме. “, изјави украинскиот министер за одбрана.
Како што истакна, ако минатата година на Украина и требаше оружје за да преживее, сега клучот за победата на Украина е „она што луѓето го чувствуваат“ – единство и подготвеност за борба.