Украинска војска: Успеваме да доставиме муниција, храна и лекови во Бахмут

Од:

Украинските сили во и околу градот Бахмут успеваат да ги држат руските сили доволно далеку за да ги снабдат бранителите на градот со муниција, храна и лекови, соопшти синоќа украинската армија.

Киев објави дека украинската армија им нанесува големи загуби на руските сили. Во борбите што се случија во петокот загинаа 193 руски војници, а 199 беа ранети, соопшти украинската армија, а пренесе Ројтерс.

Портпаролот на украинската војска Серхиј Черевати рече: „Успеваме да ја доставиме многу потребната муниција, храна, опрема и лекови до Бахмут. Исто така, успеваме да ги извлечеме нашите ранети од градот“.

Череватиј наведува дека украинските извидувачки и артилериски единици успеваат да задржат отворен дел од патиштата кон тој источен град. Во петокот, украинските сили, покрај загубите што им ги нанесоа на руските сили, уништија и два беспилотни летала и пет складишта за муниција, додаде тој.

Овие тврдења не се независно потврдени.

Би можело да ве интересира

ВИДЕО: Руските напади уништија голем дел од украинската енергетска инфраструктура

Тешка ситуацијата во Часов Јар

Предраг Петровиќ

Вашингтон со наредба: Стоп за испорака на „Патриотите“, сите мора да се дадат на Украина

Предраг Петровиќ

Руски извори: Во Одеса пристигнаа француски платеници

Предраг Петровиќ

Средба кој ги менува работите: Путин оди во Северна Кореја

Претседателката Сиљановска-Давкова на отворањето на Самитот за мир во Украина